الرئيسيةالبوابةاليوميةس .و .جبحـثالتسجيلالأعضاءالمجموعاتدخول

شاطر | 
 

 قصص رائعة حقيقية من تاماف / ايرينى رئيسة دير ابو سيفين

اذهب الى الأسفل 
كاتب الموضوعرسالة
BOLLA

avatar

المساهمات : 80
تاريخ التسجيل : 14/03/2008
العمر : 28

مُساهمةموضوع: قصص رائعة حقيقية من تاماف / ايرينى رئيسة دير ابو سيفين   الأحد يونيو 22, 2008 9:40 am

قصص رائعة حقيقية من تاماف / ايرينى رئيسة دير ابو سيفين
قصص رائعة حقيقية اللى يسمعها يقول خيال لكن فىالمسيحية ومع الهنا كل شئ ممكن
قصص معزية جدا وتدفعنا الى الطريق الصحيح اللى هيوصلنا لهذا المجد العظيم يارب اجعلنا نصل الى هذا المكان
من تاماف / ايرينى رئيسةدير ابو سيفين
برجاءإرسال هذه التأملات لكل من تعرفوه......لعل يكون سبب بركه لنا وللجميع
إجتماع تاماف إيرينى رئيسة دير الشهيد العظيم فيلوباتير مرقوريوس أبى سيفين بأهالى كورال فريق أبناء الرسل (كنيسة
مارجرجس هليوبوليس) شهداء خدمة التسبيح ليلة عيد النيروز بمقر الدير بالقاهرة سنة 1999أنا كنت باصلى فى قلايتى وقت الحادث لقيت نفسى إنتقلت بالجسد لمكان الحادث وشفته بالتفصيل واتألمت جداً وقلت بإسم
الصليب أنا فين ؟ إيه إللى باشوفه ده ؟ مين دوّل ؟ سمعت صوت" رحلة كورال مارجرجس هليوبوليس" وشُفت عامود
نور نزل رأسياٍ اوله داخل السماء ونهايته على الأرض فوق الأُتوبيس ولما نزل عمود النور حسّيت بسلام وظهر حوالين
العمود صفين من الملايكه حلوين ومنورين بطول العامود وبيسبحوا تسابيح جميله وكل واحد من شبابنا يسلم الروح يلبس
توب نورانى هفهاف والروح تأخذ نفس شكل الجسد بس على أحلى ويبقى منوّروالملايكه تدى لكل واحد يسلم الروح تاج
على رأسه وصليب فى يمينه وشمعه طويلة فى يساره واللهيب بتاعها نور مش نار وألاقيه هو كمان يسبح نفس تسابيح
الملايكه وإختلطت أصوات تسابيح الملايكه بتسابيح كورال السماء فى زفةجميلة فى مقدمتها الست العدرا أم النور وهى
جميلة جداً ومضيئه ودايماً الست العدرا تظهر فى توب سماوى فيه صلبان زهبيه ولكن المره دى توبها نورانى لون العامود
النورانى وبرضه فيه صلبان زهبيه وسمعت صوت مليان حنان وحب وله رنبن جميل يقول "هلموا إلىّ تعالوا إلى الفردوس"
وطلعت الزفة لفوق الست العدراإختفت الأول وورائها الملايكه ووراهم القديسين الأبرار(الخورس السماوى) وبعد أنإختفى
الكل طلع العامود رأسى زى ما نزل وإختفى فى السماء وأنا إتمليت فرحوسلام يا بختهم اغتصبوا الفردوس فى لحظات
وإحنا بنجاهد فى الرهبنه عشرات السنوات وياريت نقدر نحصل على مكانهم فى السماء أخذوه بالسهل وبصراحه ربناحنين
إختطفهم فى أحسن ساعة لهم لو كانوا عاشوا بعد كدة مكانوش هيحصلوا على المجد إللى حصلوا عليه وياريت كلنا نجاهد
ونتوب علشان يكون لنا نصيب مع أولادنا فى السماء ونحصل على المجد إللى هم فيه دلوقتى وإحنا مش لازم نحزن ابداًولا
نبكى وأنا بصراحه ماكنتش هاحكى لحد الرؤيه دى لكن اب إعترافى أمرنىلأنها معزيه وقال لى إنتى شوفتيها مش من أجل
نفسك لكن من أجل تعزيه الأهالى ليه نحزن وإحنا بقالنا شفعاء فى السما إحنا نفرح ونتعزى لأننا إطمأنينا عليهم كلهم فى
حضن رب المجد وعايزين نستفيد من الحادث دة اننا نعيش دايماً مستعدين محدش عارف هيروح إمتى نبقى حلوين وننفذ
الوصايا ونعيش حياة التوبة علشان لا نُحرم من مجده , أولادنا دوّل بيفكرونى بالأيه "والمستعدات دخلن معه إلى العرس"
كانوا معترفين كلهم ومتناولين من الأسرار المقدسه وروحوا وهم فى أحسن حالهوهم بيعملوا عمل بمحبه عمل من أجل
الفقراء والسما حلوه جميلة وأنا أحب أحكىلكم شوية حكايات عن الفردوس

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
aida



المساهمات : 19
تاريخ التسجيل : 12/10/2008
العمر : 32

مُساهمةموضوع: رد: قصص رائعة حقيقية من تاماف / ايرينى رئيسة دير ابو سيفين   الإثنين أكتوبر 13, 2008 1:14 pm

ربنا يعوضك الموضوع جميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
*~~mena~~*
عايش فى قلب يسوع
avatar

المساهمات : 717
تاريخ التسجيل : 27/04/2008
العمر : 28

مُساهمةموضوع: رد: قصص رائعة حقيقية من تاماف / ايرينى رئيسة دير ابو سيفين   الثلاثاء أكتوبر 14, 2008 6:47 am

قصه جميله جدا وفعلن لازم نكون مستعدين وشكرا يا بولا أوى على القصه دى

_________________

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.marigerges.yoo7.com
 
قصص رائعة حقيقية من تاماف / ايرينى رئيسة دير ابو سيفين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشهيد العظيم مارجرجس بالمنصورة :: † بستـان القديســـين †-
انتقل الى: